Bókmenntahlaðborð í rafheimum

Okkur þykir leitt að tilkynna að vegna hertra samkomutakmarkana verður ekki unnt að bjóða til hefðbundins bókmenntahlaðborðs í Bókasafni Mosfellsbæjar. Bókmenntahlaðborðið átti að halda fimmtudaginn 18. nóvember. Bókaaðdáendum gefst þó kostur á að njóta upplesturs höfunda á upptöku, sem verður auglýst innan skamms á samfélagsmiðlum og heimasíðu bókasafnsins.

Eftirtaldir höfundar lesa úr nýútkomnum bókum sínum: Aðalsteinn Emil Aðalsteinsson (Svefngarðurinn), Ásdís Halla Bragadóttir (Læknirinn í Englaverksmiðjunni), Einar Kárason (Þung ský), Fríða Ísberg (Merking) og Jónína Leósdóttir (Launsátur).

Auk upplestursins mun bókmenntafræðingurinn Guðrún Baldvinsdóttir spjalla við höfundana um bækurnar og tilurð þeirra.