Fréttir eftir árum

Um árabil hefur Bókasafn Mosfellsbæjar boðið 9. bekkingum í heimsókn. Á því var engin undantekning í ár því miðvikudaginn 29. maí síðastliðinn komu nemendur úr Varmárskóla og Lágafellsskóla að hitta áhugavert ungt fólk. Það voru þau GDRN og Sprite Zero Klan. Krakkarnir höfðu um margt að spyrja og fengu svör við ótrúlegustu spurningum. Það er gaman frá því að segja að GDRN er fyrrverandi nemandi Varmárskóla og annar meðlimur Sprite Zero Klan er fyrrverandi nemandi Lágafellsskóla. Takk öll fyrir komuna og hlökkum til að sjá ykkur í safninu.

Föstudaginn 7. júní kl. 16-18 opnar Randa Mulford sýninguna Teppi á veggnum í Listasal Mosfellsbæjar. Síðasti sýningardagur er 5. júlí. Aðgangur ókeypis og allir velkomnir. Flestir sem þekkja til bútasaumsteppa hugsa líklega um þau sem nytjahluti svo sem rúmteppi, barnateppi og borðdúka. Bútasaumsteppi sem listaverk eru aftur á móti minna þekkt. Þau eru hugsuð til veggskreytinga og við gerð þeirra er gjarnan notað efni og aðferðir sem ekki tíðkast við gerð hefðbundinna, hagnýtra bútasaumsteppa.

Sumarlestur Bókasafns Mosfellsbæjar hefst á morgun. Endilega skráið ykkur!

Í gær komu í heimsókn til okkar hressir krakkar úr 1. bekk í Lágafellsskóla til að taka á móti höfðinglegri gjöf frá IBBY á Íslandi en það er bókin Nesti og nýir skór. Þau fengu líka að heyra af Sumarlestrinum sem fer að byrja á nýjan leik í Bókasafninu og skoðuðu skemmtilega ofurhetjusýningu Atla Más í Listasalnum en þar fór einmitt afhendingin fram.

Fjölmenningarhátíð var haldin í fyrsta skipti í Mosfellsbæ laugardaginn 11. maí síðastliðinn og var það sameiginlegt átak Rauða krossins í Mosfellsbæ og Bókasafns Mosfellsbæjar. Haraldur bæjarstjóri setti hátíðina með pompi og prakt og barnakór Varmársskóla söng einstaklega fallega undir stjórn Guðmundar Ómars Óskarssonar.

Lokafundur leshóps eldri borgara var haldinn mánudaginn 13. maí sl. í Bókasafninu. Guðrún Eva Mínervudóttir rithöfundur spjallaði við hópinn, og miklar og skemmtilegar umræður spunnust um bækur hennar. Nú er leshópurinn kominn í sumarfrí. Fyrsti fundur haustsins 2019 verður mánudaginn 7. október kl. 10:30 í Bókasafninu og lesefnið er: Atómstöðin eftir Halldór Laxness.

Isabella Rink er sigurvegarinn í aprílgetraun Bókasafnsins. Hún er 13 ára nemandi í 7. bekk í Varmárskóla. Isabella mætir einu sinni eða tvisvar í mánuði til okkar í safnið og sækir sér bækur. Hún heldur upp á bækurnar hans Gunnars Helgasonar og nefnir sérstaklega seríuna sem hófst með bókinni Mamma best. Auk þess að vera dugleg að lesa æfir Isabella frjálsar íþróttir. Í verðlaun fékk hún myndasöguna Dagbók Rakelar. Til hamingju, Isabella, og takk fyrir að taka þátt!

Fjölmennt var á opnun sýningarinnar Atli Már föstudaginn 31. maí sl. Atli Már Indriðason (1993) er listamaður hátíðarinnar List án landamæra 2019. Á sýningu sinni í Listasal Mosfellsbæjar sýnir hann málverk og skúlptúra innblásna af ofurhetjum og ævintýrum. Verkin eru full af leikgleði; litrík og lifandi og vöktu mikla lukku sýningargesta. Við vekjum athygli á að þetta er sölusýning og gott aðgengi er fyrir fólk í hjólastól. Síðasti sýningardagur er 31. maí.

Umsóknarfrestur er til 1. júní 2019. Sótt er um rafrænt á www.bokmos.is/listasalur.

Í dag miðvikudaginn 8. maí kom til okkar í Bókasafnið rithöfundurinn Birkir Blær og las upp úr bók sinni „Stormsker : Fólkið sem fangaði vindinn“. Áheyrendur voru nemendur úr fimmtu bekkjum grunnskólanna í bænum. Allir höfðu gaman af enda sagan óvenjuleg og spennandi. Takk Birkir Blær og takk krakkar fyrir ánægjulega morgunstund.