logo
  • Virðing -
  • Jákvæðni -
  • Framsækni -
  • Umhyggja
28/11/17
SÝNING KRISTÍNAR MARÍU INGIMARSDÓTTUR Í LISTASAL MOSFELLSBÆJAR.

EMM – „Mörður hét maður...“, er heiti myndlistarsýningar Mosfellingsins Kristínar Maríu Ingimarsdóttur sem verður opnuð í Listasal Mosfellsbæjar laugardaginn 2. desember kl. 15. Sýningin er opin á afgreiðslutíma Bókasafns Mosfellsbæjar og stendur til 30. desember. Aðgangur er ókeypis og allir velkomnir.


Kristín María er menntuð í málaralist og kvikmyndun og hefur unnið sem grafískur hönnuður í rúm 20 ár. Hún hefur sýnt myndlist, tekið þátt í kvikmyndasýningum bæði á Íslandi og í Bandaríkjunum og fengið viðurkenningar bæði fyrir hreyfimyndir sínar og grafíska hönnun. Einnig hefur hún myndskreytt barnabækur og er meðhöfundur að nokkrum barnabókum sem komið hafa út undanfarin ár.

Hér sýnir Kristín María málverk, vatnslitamyndir og hreyfimyndir, og sækir efnivið sinn í Njálu. Unnið er með handskrifað letur úr handriti Njálssögu á stafrænan máta, málað á striga eða pappír og yfirfært í hreyfimynd. Það má því segja að í þessari sýningu sameini hún grafíska hönnun, málunina og hreyfimyndagerðina.
Til baka