logo
  • Virðing -
  • Jákvæðni -
  • Framsækni -
  • Umhyggja
21/11/20

ATH! Í ljósi þess að fjöldatakmarkanir miða enn við 10 manns verðum því miður að fresta Hundum sem hlusta í Bókasafni Mosfellsbæjar. Um leið og rofar til og aðstæður leyfa munum við fá hundana í heimsókn til okkar aftur.


Bókasafn Mosfellsbæjar í samstarfi við félagið Vigdísi – Vini gæludýra á Íslandi, býður börnum að heimsækja safnið þann 21. nóvember og lesa sér til ánægju fyrir hunda sem eru sérstaklega þjálfaðir til að hlusta á börn lesa.

Lestrarstundir með hundi reynast börnum vel og ekki síst þeim sem eiga við lestrarörðugleika að stríða. Hundurinn gagnrýnir ekki barnið á meðan á lestrinum stendur, hjálpar því að slaka á og liggur rólegur á meðan lesið er.

Tveir hundar verða á staðnum og komast sex börn að í hvert skipti. Hvert barn fær að lesa fyrir hundinn í 15 mínútur. Hundarnir og eigendur þeirra hafa fengið sérstaka þjálfun til að sinna verkefninu.

Sjálfboðaliðar bera hlífðargrímur og sóttvarnarreglum verður fylgt til hins ýtrasta.

Bóka þarf tíma fyrirfram fyrir börnin með því að senda tölvupóst á [email protected] Tímar sem eru í boði: 12:30, 12:50 og 13:10.

Gott er að barnið hafi valið sér texta til að lesa.

Til baka

Þessi síða notar vafrakökur Lesa meira