logo
  • Virðing -
  • Jákvæðni -
  • Framsækni -
  • Umhyggja

Listasalur

Listasalur Mosfellsbæjar er fjölnota salur í Bókasafni Mosfellsbæjar og hefur verið starfræktur frá 2005. Þar fer fram margvíslegt félags- og menningarstarf eins og myndlistarsýningar, tónleikar, fundir o.fl.

Salurinn er um 80 fm2 að stærð og honum fylgir eldhúsaðstaða með vaski og ísskáp, aðgengi að fatahengi og salerni. Einnig geta fylgt salnum borð og 75 stólar. Skjávarpi er í salnum og sýningartjald. Flygill Listaskóla Mosfellsbæjar er í Bókasafninu og eru afnot af honum í boði við tónlistarviðburði. Gott aðgengi er fyrir hjólastóla.

Viðburðir í Listasal sem eru öllum opnir og hafa ekki truflandi áhrif á starfsemi Bókasafnsins geta farið fram á afgreiðslutíma safnsins. Miðist aðgengi að viðburði eingöngu við afmarkaðan hóp er hægt að fá Listasalinn leigðan utan afgreiðslutíma safnsins gegn gjaldi.

Sækja verður um afnot af salnum á sérstökum eyðublöðum sem fást í Bókasafninu og ábyrgðarmaður tiltekins viðburðar fyllir út og undirritar.

Lokað fyrir umsóknir fyrir listsýningar á sýningarárinu 2019.

Listasalur Mosfellsbæjar er fjölnota salur í Bókasafni Mosfellsbæjar og er lánaður endurgjaldslaust til sýnenda.

Fylgja skulu með myndir af verkum, ferilskrá og lýsing á fyrirhugaðri sýningu.
Nánari upplýsingar og eyðublöð má finna hér eða í síma 566-6822

Hægt er að sækja um sýningar fyrir árið 2020 fram til 1. júní 2019.

Nú er einnig hægt að sækja um rafrænt!

Umsóknir sendist til:
Listasalur Mosfellsbæjar, Kjarna
Þverholti 2
270 Mosfellsbæ

eða á netfang : [email protected]

Þessi síða notar vafrakökur Lesa meira