logo
  • Samvera -
  • Samvinna -
  • Samkennd

Salurinn

Listasalur Mosfellsbæjar er fjölnota salur í hjarta Mosfellsbæjar, staðsettur inn af Bókasafni Mosfellsbæjar í Kjarna, Þverholti 2. Á hverju ári eru settar upp um tíu sýningar, jafnt reyndra listamanna og nýgræðinga á sviðinu. Einnig er salurinn nýttur fyrir ýmsa viðburði eins og tónleika, fyrirlestra og fundi. Listasalur Mosfellsbæjar hefur það að leiðarljósi að vera virkur samkomustaður fyrir Mosfellinga og aðra gesti, bjóða upp á fjölbreyttar sýningar listamanna og vinna þannig að framþróun myndlistar á Íslandi.

 Salurinn er rekinn af Mosfellsbæ og hefur verið starfræktur frá 2005. Hann er opinn á afgreiðslutíma Bókasafnsins og er gengið inn í salinn úr safninu. Salurinn er um 80 fm2 að stærð og honum fylgir eldhúsaðstaða með vaski og ísskáp, aðgengi að fatahengi og salerni. Einnig geta fylgt salnum borð og 75 stólar. Skjávarpi er í salnum og sýningartjald. Flygill Listaskóla Mosfellsbæjar er í Bókasafninu og eru afnot af honum í boði við tónlistarviðburði. Ætlast er til að viðburðir í Listasal séu öllum opnir og að þeir hafi ekki truflandi áhrif á starfsemi Bókasafnsins. Sé viðburður fyrir afmarkaðan hóp er hægt að fá salinn leigðan utan afgreiðslutíma safnsins gegn gjaldi. Skal þá notast við sérinngang Listasalarins. Á heimasíðu Listasalar www.bokmos.is/listasalur má finna eyðublað fyrir umsókn um afnot af salnum, einnig er hægt að nálgast það í Bókasafni Mosfellsbæjar.

Búið er að velja úr umsóknum fyrir sýningarárið 2018. Hægt er að sækja um sýningar fyrir árið 2019 fram til 1. júní 2018. 
Rafrænt umsóknarform Listasals

Nánari upplýsingar veitir umsjónarmaður Listasalar Mosfellsbæjar, s. 5666822

Listasalur Mosfellsbæjar
Þverholt 2
270 Mosfellsbær

S: 566 6822
Netfang: [email protected]
www.bokmos.is/listasalur
www.facebook.com/listasalurmoso

 

Fréttamynd20/06/18

Tölt um tilveruna - sýningaropnun föstudaginn 22. júní 2018 kl. 16-18

Föstudaginn 22. júní 2018 kl. 16-18 verður sýning Guðrúnar Hreinsdóttur, Tölt um tilveruna, opnuð í Listasal Mosfellsbæjar. Guðrún er myndlistarkona og læknir. Hún hefur lagt stund á leirlist og gef...
22/05/18

Kristján og Loji umpotta

Föstudaginn 11. maí síðastliðinn var opnuð samsýningin Kristján og Loji umpotta í Listasal Mosfellsbæjar. Sýningin er hluti af hátíðinni List án landamæra. Kristján Ellert Arason er fæddur árið 1958 ...
07/05/18

Sýningaropnun föstudaginn 11. maí kl. 16.

Sýningin Kristján og Loji umpotta verður opnuð í Listasal Mosfellsbæjar föstudaginn 11. maí kl. 16. Sýningin er hluti af hátíðinni List án landamæra og er samsýning Kristjáns Ellerts Arasonar og Loja...
Skoða fréttasafn