Fréttir eftir árum

„Trúarbrögð og lífsviðhorf“ verða í brennidepli okkar þennan mánuðinn og er þar stiklað á því helsta, en trúarbrögð heims skiptast ýmist í eingyðistrú, fjölgyðistrú eða trúleysi. Kristni er ein elsta og fjölmennasta trú veraldar með um 2,1 milljarð manna og fylgir Íslam fast á eftir með 1,5 milljarð en þessi trúarbrögð, ásamt Gyðingdómi og Bahá‘í trú, eiga það sameiginlegt að vera eingyðistrúarbrögð

Árlegt bókmenntahlaðborð Bókasafns Mosfellsbæjar var haldið þriðjudaginn 10. nóvember. Að þessu sinni kynntu bækur sínar rithöfundarnir Auður Jónsdóttir með bókina Stóri Skjálfti, Árni Bergmann með sjálfsævisögu sína - Eitt á ég samt : endurminningar, Bjarki Bjarnason með skáldsöguna Spiritus fossis : saga með myndum, Jón Kalman Stefánsson með Eitthvað á stærð við alheiminn : ættarsaga og loks Kristín Helga Gunnarsdóttir með sína fyrstu bók fyrir fullorðna

Í tilefni af því að 60 ár eru liðin frá því Halldór Laxness fékk Nóbelsverðlaunin í bókmenntum var dúóið Hundur í óskilum fengið af Rithöfundasambandinu til að búa til dagskrá tengda Halldóri. Bókasafnið greip tækifærið

Nýir málaflokkar í útstillingu Setur fókusinn á önnur lönd, gefur innsýn í aðra menningarheima og ýmis alþjóðleg málefni. Þetta eru ýmist ævisögur, æviþættir, skáldsögur, ljóð, ferðasögur eða sagnfræði, bæði þýðingar og á ensku. „Raddir Indlands“ er yfirskriftin í nóvember

Áfram höldum við og nú er komið að nýrri getraun fyrir krakkana. Spurningablaðið er sem fyrr staðsett á hringborðinu í barnahorninu. Við hvetjum alla krakka til að reyna fyrir sér enda frábær bókarverðlaun í boði.

Í tilefni af Degi myndlistar bjóða listamennirnir sem sýna í Listasal Mosfellsbæjar uppá listamannaspjall laugardaginn 31. október kl. 15:00. Listamennirnir eru Guðbjörg Lind, Kristín Geirsdóttir, Jean Larson og Ólöf Oddgeirsdóttur.

Miðvikudaginn 21. október. kl. 10-12 verður Bókasafnið lokað vegna starfsmannafundar

Frumdrættir og fyrirmyndir. Myndlistarsýningin Frumdrættir og fyrirmyndir opnar í Listasal Mosfellsbæjar í húsakynnum Bókasafnsins í Kjarnanum Þverholti 2 Mosfellsbæ laugardaginn 17. okt. 2015 kl. 15.00.

Septembergetraun Bókasafns Mosfellsbæjar gekk vonum framar og við þökkum kærlega þeim fjölmörgu sem tóku þátt. Vinningshafinn að þessu sinni var hin 12 ára Ingigerður Sunna. Hún fékk í verðlaun nýútgefna bók, Grimma tannlækninn, eftir David Walliams. Við óskum Ingigerði innilega til hamingju og hvetjum alla krakka til taka þátt í októbergetrauninni okkar sem nú er í fullum gangi.

Á laugardag kl. 15 mun Kristín Þorkelsdóttir leiða gesti um sýningu sína ÁSÝND samferðamanna á lífsfleyinu í Listasal Mosfellsbæjar. Kristín mun segja frá einstökum verkum, tilurð þeirra og vinnuferli.