logo
  • Samvera -
  • Samvinna -
  • Samkennd

Fréttir eftir mánuðum

BÓKASAFN – Fræskipti

24/02/17BÓKASAFN – Fræskipti
Á síðasta Fræðslufundi Bókasafns Mosfellsbæjar skiptust gestir á fræjum til ræktunar, bæði blómafræjum og matjurtafræjum. Nokkrir pokar urðu eftir, aðallega blómafræ, og geta áhugasamir ræktendur komið í Bókasafnið og fengið fræ og leiðbeiningarblað - meðan birgðir endast.
Meira ...

LISTASALUR - Ljós og skuggar í Fókus -Opnun sýningar

24/02/17LISTASALUR - Ljós og skuggar í Fókus -Opnun sýningar
Laugardaginn 18. febrúar opnaði Fókus – félag áhugaljósmyndara sýningu sína Ljós og skuggar í Fókus í Listasal Mosfellsbæjar. Á sýningunni er 21 mynd eftir jafn marga ljósmyndara. Félagarnir unnu með ljós og skugga eins og heiti sýningarinnar ber með sér. Gaman er að skoða útkomuna og stundum skiptir skugginn sköpum í myndinni. Fjölmenni var við opnunina.
Meira ...

BÓKASAFN - Hundar sem hlusta

20/02/17BÓKASAFN - Hundar sem hlusta
Laugardaginn 25. febrúar 2017 frá kl. 13.00 -14.20. Í samstarfi við félagið Vigdísi - Vini gæludýra á Íslandi býður Bókasafnið börnum að koma í safnið og lesa sér til ánægju fyrir hunda, sem sérstaklega eru til þess þjálfaðir.
Meira ...

BÓKASAFN - Safnanótt, vinningshafar í ratleik

15/02/17BÓKASAFN - Safnanótt, vinningshafar í ratleik
Verðlaunahafar í ratleiknum á safnanótt geta vitjað vinninga sinna í afgreiðslu Bókasafnsins. Vinningshafar eru: Amelía Czech Kolbrún Una Sigrún Mjöll Ívarsdóttir Birna María Þorbjörnsdóttir Svava Björk Ásgeirsdóttir
Meira ...

BÓKASAFN - TÍMARITAHORNIÐ

14/02/17BÓKASAFN - TÍMARITAHORNIÐ
Finnurðu ekki uppáhalds tímaritið þitt? BREYTINGAR STANDA YFIR 14.-22. FEBRÚAR 2017 Nú standa yfir breytingar á uppröðun tímarita; tímarit hafa verið færð til, ýmis flokkatímarit komin í hillurnar, önnur hætt að koma o.s.frv. Það tekur smá tíma að uppfæra merkingar, þrífa, færa til o.fl. Reiknum með að verkinu verði lokið þriðjudaginn 22. febrúar. Ath - tímaritið Séð og heyrt verður ekki gefið út á næstunni, en Nýtt líf er í vinnslu og kemur vonandi út fljótlega ;)
Meira ...

BÓKASAFN - Krakkar!

13/02/17BÓKASAFN - Krakkar!
Í Bókasafninu fer nú fram kosning á bestu barnabók ársins 2016 og stendur til 25. mars. Þið veljið eina til þrjár bækur og það má velja bók sem ykkur langar að lesa. Þrír nemendur, einn úr hverjum grunnskóla hlýtur svo bók að gjöf fyrir þátttökuna, endilega takið þátt. Minnum líka á febrúargetraunina, vinningshafi þar fær bók að gjöf. Verið dugleg að heimsækja Bókasafnið, við eigum fullt af skemmtilegum bókum og blöðum og hér er líka hægt að setjast niður og taka eina skák.
Meira ...

Safnanótt í Bókasafninu, Listasalnum og Skjalasafni Mosfellsbæjar

10/02/17Safnanótt í Bókasafninu, Listasalnum og Skjalasafni Mosfellsbæjar
Bókasafnið var í fyrsta sinn með í hinu árlega Safnanæturævintýri. Við fengum góða gesti og allir voru fúsir að gera dagskrána sem skemmtilegasta. Boðið var upp á nokkrar nýjungar svo sem krakkajóga, sem var mjög vel tekið og fjöldi áhugasamra krakka tók þátt af innlifun. Lesin var draugasaga fyrir börnin og heppnaðist lesturinn vel. Aðeins var leyfilegt að vera með vasaljós og týrur á meðan, þannig að stemningin var skemmtilega draugaleg. Boðið var upp á flatbökur og djús fyrir börnin, kaffi og kleinur fyrir fullorðna.
Meira ...

BÓKASAFN - Trausti vann!

10/02/17BÓKASAFN - Trausti vann!
Vinningshafinn í fyrstu barnagetraun ársins er Trausti Þráinsson, 11 ára strákur úr Lágafellsskóla. Verðlaunin eru nýjasta bók Gunnars Helgasonar, Pabbi prófessor, en hún er ein af allra vinsælustu barnabókunum í safninu um þessar mundir. Trausti er tíður gestur hér í Bókasafninu og les mikið. Hann hefur einnig mikinn áhuga á íþróttum, æfir bæði fótbolta og handbolta og heldur með Manchester United í ensku deildinni.
Meira ...

BÓKASAFN - LITLI SKIPTIBÓKAMARKAÐURINN 2017

10/02/17BÓKASAFN - LITLI SKIPTIBÓKAMARKAÐURINN 2017
„Þín bók, mín bók – bækurnar okkar“ Litli skiptibókamarkaðurinn fór fram annað árið í röð í Bókasafni Mosfellsbæjar vikuna 21. – 28. janúar síðastliðinn og viljum við þakka öllum þeim frábæru krökkum sem tóku þátt, hversu vel tókst til. Markaðurinn var fyrir börn 6 – 12 ára og mættu þau með bækur að heiman sem þau vildu skipta út fyrir aðrar. Bókunum var raðað á langborð og þau gátu svo valið sér jafn margar bækur í stað sinna eigin, og eina til tvær aukalega. Um 52 bækur skiptu um eigendur að þessu sinni.
Meira ...

BÓKASAFN: Í brennidepli - Þýskar bókmenntir

08/02/17BÓKASAFN: Í brennidepli - Þýskar bókmenntir
Bókmenntasaga Þýskalands er ekki einsleit, landið varð ekki nútíma þjóðríki fyrr en 1871. Fram að því er saga þess lituð af stríðsátökum, trúarlegu umróti og tímabilum efnahagslegrar hnignunar. Þessi slitrótta þróun skilur á milli bókmenntasögu Þýskalands og annarra þjóða, þar sem verið hefur samfelldari þróun sögunnar frá miðöldum til dagsins í dag, eins og til dæmis í Frakklandi. Þýskar bókmenntir voru þó áberandi á nokkrum árabilum; þegar miðaldir stóðu sem hæst (1160-1230), við aldamótin 1800 (öld Göthes), og við aldamótin 1900.
Meira ...

BÓKASAFN - FRÆÐSLUFUNDUR

06/02/17BÓKASAFN - FRÆÐSLUFUNDUR
Fræskipti, fimmtudaginn 9. febrúar kl. 16.30-17.30 í Bókasafninu.
Meira ...

BÓKASAFN - Getraunagaman

03/02/17BÓKASAFN - Getraunagaman
Febrúargetraunin er mætt á svæðið. Spurningablaðið er sem fyrr staðsett á hringborðinu í barnadeildinni. Skilið því útfylltu í græna póstkassann til að eiga möguleika á að fá veglega bókargjöf. Tilkynnt verður um verðlaunahafa í byrjun mars. Gangi ykkur vel!
Meira ...