logo
  • Samvera -
  • Samvinna -
  • Samkennd

Fréttir eftir árum

Sýningaropnun laugardaginn 27. október kl. 14

23/10/18Sýningaropnun laugardaginn 27. október kl. 14
Sýningin Áfram streymir í Listasal Mosfellsbæjar 27.október - 30. nóvember 2018
Meira ...

Vetrarleyfi 18. - 22. október - Viðburðir í Bókasafninu

12/10/18Vetrarleyfi 18. - 22. október  - Viðburðir í Bókasafninu
18. október kl. 14.00 - 15.45 Bókasafnsbíó í barnadeildinni, myndin Up verður sýnd, enskt tal og íslenskur texti. Spil, púsluspil, litir og litabækur. 19. október kl. 14.00 - 15.30 Spilavinir koma með skemmtileg spil og spila við gesti í Fiskabúrinu. Púsl og fleira í barnadeildinni. 22. október kl. 14.00 - 15.45 Bókasafnsbíó í barnadeildinni, íslenska myndin Regína verður sýnd. Spil, púsluspil, litir og litabækur. Að sjálfsögðu er líka hægt að setjast niður og líta í bók og barnagetraunin okkar er á sínum stað.
Meira ...

Vinningshafi í septembergetraun Bókasafnsins

09/10/18Vinningshafi í septembergetraun Bókasafnsins
Elvar Logi Bragason er vinningshafi í septembergetrauninni. Hann verður fjögurra ára 25. október og hlakkar mikið til þess. Hann er á Leikskólanum Hlaðhömrum og þar finnst honum skemmtilegast að leika úti. Honum finnst líka mjög gaman að koma til okkar í Bókasafnið og velja sér bækur. Elvar Logi fékk nýju bókina um Freyju og Fróða í verðlaun og hafði varla tíma til að láta taka af sér mynd, svo spenntur var hann að opna pakkann! Við óskum Elvari Loga innilega til hamingju.
Meira ...

Vel heppnað prjónakaffi

05/10/18Vel heppnað prjónakaffi
Boðið var upp á Prjónakaffi í Bókasafninu fimmtudaginn 4. október. Var því afar vel tekið og mættu 15 áhugasamir prjónarar sem áttu mjög góða stund saman. Prjónakaffi verður haldið fyrsta fimmtudag í hverjum mánuði og bjóðum við öllum áhugasömum prjónurum að koma og vera með. Næst hittumst við fimmtudaginn 1. nóvember kl. 15:30 – 17:30. Kaffi verður á könnunni.
Meira ...

Barnagetraunin heldur áfram

01/10/18Barnagetraunin heldur áfram
Við þökkum fyrir góða þátttöku í fyrstu barnagetraun vetrarins. Nú er komið að getraun númer tvö og markmiðið er að fá enn fleiri til að taka þátt. Spurningablaðið er staðsett á hringborðinu í barnadeildinni. Skilið því útfylltu í græna póstkassann til að eiga möguleika á veglegri bókargjöf. Tilkynnt verður um verðlaunahafa í byrjun nóvember.
Meira ...

Leshópur Félags eldri borgara

24/09/18Leshópur Félags eldri borgara
Leshópurinn er í samstarfi við Bókasafnið í Mosfellsbæ. Starfsmaður frá Bókasafninu hefur umsjón með starfinu. Við hittumst fyrsta mánudag hvers mánaðar kl. 10.30 yfir vetrartímann í Bókasafni Mosfellbæjar Þverholti 2, nema annað sé tekið fram. Fyrsti fundur haustsins verður mánudaginn 1. október kl. 10.30 og lesefnið er: Úngur ég var eftir Halldór Laxness.
Meira ...

Hundar sem hlusta í Bókasafni Mosfellsbæjar - laugardaginn 13. október 2018

24/09/18Hundar sem hlusta í Bókasafni Mosfellsbæjar - laugardaginn 13. október 2018
Í samstarfi við félagið Vigdísi - Vini gæludýra á Íslandi býður Bókasafnið börnum að koma í safnið og lesa sér til ánægju fyrir hunda. Hverju barni býðst að lesa í u.þ.b. 20 mín. Gott er að barnið hafi valið sér bók eða texta til að lesa.Tveir hundar verða á staðnum þannig að tvö börn geta lesið samtímis, en einungis sex börn komast að.
Meira ...

Gjöf frá ungum safngesti

21/09/18Gjöf frá ungum safngesti
Þetta er hún Eva Jónína 7 ára. Hún kom færandi hendi í gær og afhenti okkur tvö eintök af litabók sem hún gaf út í fyrra en myndirnar teiknaði hún þegar hún var 5 ára. Bækurnar liggja frammi í Bókasafninu og hún segir að krökkum sé velkomið að lita í þær. Takk fyrir gjöfina Eva Jónína.
Meira ...

Fjölmennt var á opnun sýningarinnar Ný verk

21/09/18Fjölmennt var á opnun sýningarinnar Ný verk
Fjölmennt var á opnun sýningarinnar Ný verk í Listasal Mosfellsbæjar 14. september sl. Á sýningunni má sjá klippimyndir úr fundnu myndefni eftir Guðna Gunnarsson og samhverfar trélitateikningar eftir Ingarafn Steinarsson. Sýningin er opin á afgreiðslutíma Bókasafnsins og stendur til 19. október. Athygli er vakin á því að verkin á sýningunni eru til sölu.
Meira ...

Uppskeruhátíð Sumarlestrar þann 7. september sl.

14/09/18Uppskeruhátíð Sumarlestrar þann 7. september sl.
Uppskeruhátíð Sumarlestrar var haldin á Bókasafnsdeginum þann 7. september sl. Skráningin í ár var frábær en um 350 börn voru skráð. Mikil ánægja var hjá foreldrum að fá kærkomið tækifæri til að hvetja börnin til lestrar og viðhalda þeirri lestrarhæfni sem þau hlutu um veturinn. Við buðum upp á hitting einu sinni í mánuði yfir sumarið þar sem þau komu sem gátu, þá var dregið í happdrætti og þrautir leystar.
Meira ...

Síða 1 af 7

Þessi síða notar vafrakökur Lesa meira