Fréttir

Við þökkum þessum litríku hópum úr leikskólum Mosfellsbæjar kærlega fyrir komuna til okkar á bæjarhátíð. ❤️🩷💛💙

Alls kyns hlutir og dýr litu dagsins ljós á Uppskeruhátíð sumarlesturs í safninu sl. miðvikudag. Blaðrarinn kom í heimsókn og stýrði stórskemmtilegri blöðrusmiðju af stakri snilld. Þar urðu til hundar af öllum stærðum og gerðum, sverð, framúrstefnuleg höfuðföt en einnig praktískir hlutir eins og klósettsetur... allt saman úr blöðrum!

Listasalur Mosfellsbæjar býður ykkur velkomin á opnun sýningarinnar Smávægilegar endurfæðingar eftir Ólöfu Björg Björnsdóttur föstudaginn 9. ágúst kl. 16-18.

Sýning Þorgerðar Jörundsdóttur „Alltof mikil náttúra“ er beint framhald sýningarinnar „Of mikil náttúra“ þar sem áfram er leitast við að fjalla um líffræðilega fjölbreytni náttúrunnar á tímum hamfarahlýnunar.

Lokað á laugardögum í sumar til og með 17.ágúst. Frá 22. júlí til 9. ágúst er afgreiðslutími bókasafnsins 12-18.

Síðasta sögustund vetrarins fór fram miðvikudaginn 22. maí og var með frekar óhefðbundnu sniði. Í stað þess að hlusta á upplestur fengum við leikhópinn Mikil ósköp í heimsókn sem setti upp sýninguna "Ef ég væri grágæs".

Bókasafn Mosfellsbæjar er lokað mánudaginn 20. maí, annan í hvítasunnu

Bókasafn Mosfellsbæjar er lokað fimmtudaginn 9. maí, uppstigningardag

...að íbúum Mosfellsbæjar stendur til boða ókeypis bókasafnsskírteini á safninu sínu?

Bókasafn Mosfellsbæjar er lokað 1. maí.

Velkomin á opnun sýningar Hönnu Dísar Whitehead “Eiginleikar - Attributes” í Listasal Mosfellsbæjar laugardaginn 20. Apríl kl 14:00 - 16:00.

Skírdagur - LOKAÐ Föstudagurinn langi - LOKAÐ Laugardagur 30. mars - opið milli 12-16 Annar í páskum - LOKAÐ

Við fengum heldur betur skemmtilega heimsókn í sögustundina okkar á miðvikudaginn. Eftir að hafa lokið við að lesa nokkrar sögur um hina uppátækjasömu Línu langsokk, birtust Lína, Hr. Níels, Anna og Keli óvænt í safninu!

Vissir þú að nú er hægt að fá tímarit á Rafbókasafninu?

Vetrarhátíð verður haldin dagana 1.–3. febrúar og fer hátíðin fram í öllum sex sveitarfélögum höfuðborgarsvæðisins. Þessi hátíð ljóss og myrkurs samanstendur af þremur meginstoðum: Safnanótt, Sundlauganótt og ljóslistaverkum. Notaleg stemning mun ráða ríkjum á Safnanótt í Bókasafni Mosfellsbæjar þetta árið. Safnið verður opið til kl. 20.

Fjöl­mennt var á opn­un sýn­ing­ar­inn­ar „I think, th­erefore I’m fucked“ sem fór fram laug­ar­dag­inn 6. janú­ar.

Jólakveðja og afgreiðslutími um hátíðarnar

Jólaútgáfa af barnagetrauninni er nú komin í loftið. Eins og gefur að skilja eru spurningarnar með jólalegu ívafi og ættu jólabörn ekki að eiga í neinum vandræðum með þær.

Bókmenntahlaðborð Bókasafns Mosfellsbæjar var haldið miðvikudaginn 15. nóvember 2023. Laugardaginn 18. nóvember var svo komið að Bókmenntahlaðborði barnanna.

Nóvembergetraunin er hafin! Nú spyrjum við um þrjár ansi ólíkar fjölskyldur sem allar hafa komið fyrir í barna- og ungmennamenningu síðustu ára.

Það er nóg um að vera í bókasafninu þessa dagana á meðan á vetrarfríinu stendur.

Þriðjudaginn 24. október er kvennaverkfall. Bókasafn Mosfellsbæjar verður eingöngu opið fyrir sjálfsafgreiðslu þann dag.

Draugar og hryllingur eiga hug og hjarta barnagetraunarinnar þennan mánuðinn enda hrekkjavakan á næsta leiti. Einn hugrakkur og heppinn þátttakandi verður að vanda verðlaunaður með bókagjöf. Ekki gleyma að starfsfólk safnsins er boðið og búið að aðstoða eftir þörfum.

Vegna landsfundar Upplýsingar verður skertur afgreiðslutími í Bókasafni Mosfellsbæjar fimmtudaginn 21. september og föstudaginn 22. september. Þessa daga verður opið frá 14:00-18:00.

Barnagetraun safnsins mætir úthvíld til leiks eftir gott sumarfrí og tekur nú við vaktinni af Sumarlestrinum sem leggst í dvala yfir veturinn. Að þessu sinni er spurt um sögupersónur sem bæði hafa komið fyrir í bókum og teiknimyndum.

Fjölmenn sýningaropnun í Listasal Mosfellsbæjar föstudaginn 11. ágúst. Henrik Chadwick Hlynsson opnaði fyrstu einkasýningu sína Fjallaloft. Sýningin samanstendur af málverkum af náttúru Íslands. Mikilfengleiki jökla og fjalla eru aðalviðfangsefni hans og tengir hann upplifun sína á þeim í verkin sín. Hann starfaði sem fjallaleiðsögumaður í tíu ár. Á þeim tíma myndaði hann sérstök tengsl við náttúruna og notar hann þá upplifun í verkin sín. Á ferðum sínum um jökla landsins safnar hann öskuvatni frá íshellum sem hann notar í verk sín og tengir þannig náttúruna inn í verkin. Verkin endurspegla hina stórbrotnu náttúru sem getur verið bæði hrikaleg og undurblíð í senn. Sýningin stendur til 8. september og er opin alla virka daga frá kl. 9-18 og 12-16 á laugardögum

Við kveðjum Sumarlesturinn með stæl fimmtudaginn 24. ágúst kl. 17. Einar Aron töframaður kemur í heimsókn í safnið með töfrasýningu sem er stútfull af glensi og gaman.

Lokað verður á frídegi verslunarmanna mánudaginn 7. ágúst!

Nú er mögulegt að fá bókasafnskortið í farsímann. Lánþegar sækja kortið sjálfir með því að auðkenna sig með rafrænum skilríkjum eða hafa samband við sitt bókasafn. Athugið að nota þarf “Smart Wallet” fyrir Android síma. Vinsamlegast notið QR kóðann á myndinni til að virkja kortið.

Verið velkomin á opnun sýningarinnar Components, föstudaginn 30. júní milli kl 16-18.

Eva Rún Þorgeirsdóttir rithöfundur stýrði þessum flotta hópi í ritsmiðju á vegum bókasafnsins. Smiðjan tókst með eindæmum vel og aldrei að vita nema að þar hafi fæðst hugmyndir sem síðar komist á prent og hægt verði að fá að láni í Bókasafni Mosfellsbæjar í framtíðinni. Við þökkum öllum þátttakendum kærlega fyrir komuna og Evu Rún fyrir einstaklega skemmtilega smiðjustjórn.

Ævintýrakortin eru komin í safnið! Við byrjum því Sumarlestur safnsins strax í dag. Við hvetjum alla unga lestrarhesta til að skunda í safnið og sækja sér kort. Í sumar söfnum við límmiðum fyrir lesnar bækur og að sjálfsögðu verða vikulegir vinningar í boði fyrir heppna þátttakendur sem skila inn bókaumsögn.

Sýningin Krókaleiðir opnaði laugadaginn 27. maí og var margt um manninn á opnunardegi. Listakonunnar Sigurrós Björnsdóttir og Halla Einarsdóttir sýna samblöndu af verkum sem eiga það sameiginlegt að snerta á frásagnarkrafti hluta, minnum innan þekktra frásagnaaðferða og því margslungna ferli að setja sig inn í hin ýmsu hlutverk. Sýningin stendur til og með 23. Júní.

Bókasafnið og Listasalur Mosfellsbæjar verða með laugardagslokun frá 3. júní til og með 12. ágúst.

Barnabókapabbarnir áttu aprílgetraunina en nú hafa barnabókamömmurnar komið sér kirfilega fyrir í síðustu getraun fyrir sumarfrí. Rétt eins og með barnabókapabbana eru mömmur mánaðarins heldur betur ólíkar; ein baulandi, önnur gómsæt á bragðið og sú þriðja aðeins tæp!

Listasalur Mosfellsbæjar. Auglýst er eftir umsóknum fyrir sýningarárið 2024.

Næsta vika verður sannarlega blómleg í Bókasafni Mosfellsbæjar, enda er vorið rétt handan við hornið!

Áttu fræ sem þú ætlar ekki að nota? Bókasafn Mosfellsbæjar er að safna í fræsafn. 🌱 Tekið er á móti kryddjurta-, matjurta- og sumarblómafræjum í afgreiðslu safnsins. Athugið að merkja fræin með heiti á íslensku, ensku eða latínu. Þegar allt er til reiðu verður fræsafnið opnað með pompi og pragt, og allir geta prófað sig áfram ræktun.

Bókasafn Mosfellsbæjar er lokað á skírdag, föstudaginn langa, páskadag og annan í páskum. Laugardaginn 9. apríl er opið kl. 12-16.